تازہ ترین خبریں  
 
 
  تازہ ترین مقالات  
 
 
  مقالات  
 
 
  پیوندها  
   

نیوزنور21فروری/شامی ذرایع ابلاغ نے اپنی ایک رپورٹ میں کہاہے کہ شامی فوج کے خلاف مغربی حمایت یافتہ دہشتگرد عناصر نے نئی سازش کا آغاز کیا ہے جس کے تحت کلورین گیس سے بھرے تین ٹرکوں کو ترکی سے شامی علاقے ادلیب میں پہنچا دیا گیا ہے۔

نیوزنور21 فروری/اسرائیلی پارلیمنٹ کینیسٹ کے ایک رکن نے  کہا ہے کہ  اسرائیلی دائیں بازو کےساتھ سعودیہ کا اتحاد شرمناک ہے اورصیہونی وزیر اعظم  کو حزب اللہ اورمقاومت سے خوف ہے۔

نیوزنور21فروری/فلسطینی اتھارٹی کے سربراہ نے کہا ہے کہ آج فلسطین میں قبضے اور اس کے عوام پر جو حالات گزر رہے ہیں اس کا ذمے دار برطانیہ ہے۔

نیوزنور21فروری/اقوام متحدہ میں تعینات اسلامی جمہوریہ ایران کے مندوب نے جوہری معاہدے کو کامیاب مذاکرات کرنے کے لئے مثالی قرار دیتے ہوئے کہا ہے کہ امریکہ دوسروں پر پابندیاں لگانے کے نشے میں دھت ہے۔

نیوزنور21فروری/اقوام متحدہ کے کوآرڈینیٹر برائے امور مشرق وسطٰی نےناجائز صہیونی ریاست کے غاصب حکمرانوں پر زور دیا ہے کہ وہ فلسطین میں معصوم عوام کے گھروں اور اسکولوں کو تباہ کرنے کا سلسلہ بند کریں۔

  فهرست  
   
     
 
    
امام قبلہ اول :
القدس سے دست برداری قبلہ اول سے دست برداری کے مترادف ہے

نیوز نور : مسجد اقصیٰ قبلہ اول کے امام  و خطیب نے کہا ہے کہ القدس سے دست برداری قبلہ اول سے دست برداری کے مترادف ہے۔

اسلامی بیداری صارفین۴۰۵ : // تفصیل

امام قبلہ اول :

القدس سے دست برداری قبلہ اول سے دست برداری کے مترادف ہے

نیوز نور : مسجد اقصیٰ قبلہ اول کے امام  و خطیب نے کہا ہے کہ القدس سے دست برداری قبلہ اول سے دست برداری کے مترادف ہے۔

عالمی اردو خبرر ساں ادارے ’’نیوز نور‘‘ کی رپورٹ کے مطابق فلسطین کے ممتاز اہلسنت عالم دین اور قبلہ اول کے امام ’’الشیخ محمد اسماعیل نواھضہ‘‘ نے نمازیوں کے جم غفیر سے نماز جمعہ کے خطبے میں بیت المقدس میں صہیونی پولیس گردی کی شدید مذمت کرتے ہوئے عالم اسلام پر زور دیا کہ وہ قبلہ اول کو پنجہ یہود سے آزاد کرانے کیلئے متحد ہوجائے۔

الشیخ نواھضہ نے کہا کہ قبلہ اول حرمین شریفین سے تقدس کی اہمیت میں کسی بھی طور کم نہیں اور اس کا دفاع پوری مسلم امہ کی اجتماعی ذمہ داری ہے۔

انہوں نے کہا کہ بیت المقدس سے دست برداری قبلہ اول سے دست برداری کے مترادف ہوگی اور اس کے سنگین نتائج سامنے آئیں گے۔

انہوں نے مسجد اقصیٰ اور القدس کے حوالے سے عالم اسلام اور عرب ممالک کے کردار پر تنقید کرتے ہوئے کہا کہ قبلہ اول اور القدس کو صہیونیوں کے ہاتھوں جس قدر خطرات لاحق ہیں عالم اسلام کی طرف سے اس کے تناسب سے دفاعی اقدامات اور انتظامات نہیں کئے گئے۔

موصوف امام نے کہا کہ فلسطینی قوم اپنی جانوں پر کھیل کر قبلہ اول کا دفاع کررہی ہے کیونکہ مسجد اقصیٰ اور منبر صلاح الدین ایوبی مسلمانوں کی ملکیت ہیں اور قبلہ اول کے متولی اور سرپرست بھی صرف مسلمان ہیں۔

الشیخ محمد اسماعیل نواھضہ نے مزید کہا کہ  قبلہ اول کے دفاع کے لیے عالم اسلام کا اپنی صفوں میں اتحاد قائم کرنے کے ساتھ ساتھ کتاب اللہ اور سنت رسول صلی اللہ علیہ وسلم پر سختی سے کار بند رہنا بھی ضروری ہے۔

واضح رہے کہ جمعہ کو نماز جمعہ سے قبل اسرائیلی فوج کی بھاری نفری نے قبلہ کی طرف آنے والے راستوں کو گھیرے میں لے رکھا تھا اورفلسطینیوں کی قبلہ اول تک رسائی روکنے کے لئے تمام تر حربوں کے استعمال کے باوجود ہزاروں فلسطینی شہری قبلہ اول میں پہنچنے میں کامیاب رہے اورقابض صہیونی فوج اور پولیس کی طرف سے پابندیوں اور رکاوٹوں کے باوجود جمعہ کے روز ہزاروں فلسطینی مسلمانوں نے نماز جمعہ مسجد اقصیٰ میں ادا کی۔


آپ کی رائے
نام:  
ایمیل:
پیغام:  500
 
. « »
قدرت گرفته از سایت ساز سحر