ترک صدر :
ایران کے بغیر علاقائی بحرانوں کا حل ناممکن ہے
نیوز نور : ترکی کے صدر نے کہا ہے کہ اسلامی جمہوریہ ایران مشرق وسطی کا
ایک اہم ملک ہے جس کے بغیر علاقائی بحرانوں کا حل ناممکن ہے۔
عالمی اردو خبرر ساں ادارے ’’نیوز نور‘‘ کی رپورٹ کے مطابق ترک
صدر ’’رجب طیب اردوغان‘‘ نے پرتگالی ٹی وی چینل ’آر۔ٹی۔پی‘ کے ساتھ انٹرویو میں کہا کہ اسلامی جمہوریہ ایران کے بغیر
علاقائی بحرانوں کا حل ناممکن ہے۔
انہوں نے ایران اور ترکی کے درمیان بعض مسائل پر اختلافات کا
ذکر کرتے ہوئے کہا کہ ہم سمجھتے ہیں کہ ہمیں مل بیٹھ کر مذاکرات کرنے ہوں گے کہ کس
طرح شام، عراق، اور قطر کے مسائل کو حل کرنا ہے۔
انہوں نے کہا کہ اسلامی جمہوریہ ایران کے بغیر خطے کے تنازعات
بشمول عراق اور شام کے بحران کو حل نہیں کیا جاسکتا۔
ترک صدرنے کہا کہ ہم نےشامی تنازعات کے حل کے لیے ایران کے ساتھ
آستانہ مذاکرات کہ جس میں امریکی سفیر بھی
شریک تھے شرکت کی اور شامی بحران کے حل کے لیے اس امن مذاکرات کا سلسلہ اعلٰی سطح
پر اب بھی جاری ہے۔
رجب طیب اردوغان نے مزید کہا کہ شامی بحران کا حل علاقائی
بحرانوں کو حل کرنے میں اہم قدم ہے اور ہم چاہتے ہیں کہ امریکہ اور سعودی عرب بھی
شامی مسائل کے حل کے لیے ایران،ترکی اور روس کے منصوبے سے منسلک ہوکر اس میں تعاون کریں۔