تازہ ترین خبریں  
 
 
  تازہ ترین مقالات  
 
 
  مقالات  
 
 
  پیوندها  
   

نیوزنور:ایرانی صدر کے معاون نے کہا ہے کہ امریکی صدر ڈونلڈ ٹرمپ کی عالمی سطح پر غیر مہذبانہ رفتار امریکہ کے لئے شرم آور ہے جو دنیا میں سپر پاور ہونے کا مدعی ہے سعودی عرب ام الفساد اور دہشت گردی کے فروغ کا اصلی مرکز ہے جسے امریکی سرپرستی حاصل ہے۔

نیوزنور:روس کے وزیر خارجہ نے کہا ہے کہ امریکی سربراہی والا اتحاد دہشت گرد گروہ جبھۃ النصرہ کو بچانے کی کوشش کر رہا ہے۔

نیوزنور:بحرین کی تنظیم برائے انسانی حقوق کے صدر نے کہا ہے کہ آل خلیفہ کے ظلم وستم اور اوچھے ہتھکنڈوں کے باوجود بحرین میں انسانی حقوق کا کام بند نہیں کریں گے۔

نیوزنور:ایک امریکی روزنامے نے لکھا ہے کہ وائٹ ہاوس ایران پر حملہ کرنے کا بہانہ تلاش رہا ہے حالانکہ ٹرمپ کو ایرانی تاریخ سے عبرت حاصل کرنا چاہئے۔

نیوزنور:فلپائن کے صدرنے امریکی صدر ڈونلڈ ٹرمپ کی جانب سے امریکا کے دورے کی دعوت مسترد کرتے ہوئے کہا ہے کہ وہ کبھی بھی امریکا نہیں جائیں گے۔

  فهرست  
   
     
 
    
امام خامنہ ای :
امریکہ اپنےعزائم میں کامیاب نہیں ہوسکتا

نیوز نور : رہبرمعظم انقلاب اسلامی نے فرمایا ہے کہ امریکہ اپنے عزائم میں کامیاب نہیں ہوسکتا ہے۔

اسلامی بیداری صارفین۵۰ : // تفصیل

امام خامنہ ای :

امریکہ اپنےعزائم میں کامیاب نہیں ہوسکتا

نیوز نور : رہبرمعظم انقلاب اسلامی نے فرمایا ہے کہ امریکہ اپنے عزائم میں کامیاب نہیں ہوسکتا ہے۔

عالمی اردو خبر رساں ادارے ’’نیوز نور‘‘ کی رپورٹ کے مطابق رہبر معظم انقلاب اسلامی حضرت آیت اللہ العظمی سید علی خامنہ ای نے تہران میں سرحدی سیکورٹی اہلکاروں اور مدافعین حرم کے نام سے موسوم اہلیبت علیہم السلام کے روضوں کی حفاظت کرنے والے رضاکاروں میں سے بعض شہداء کے اہل خانہ کے ساتھ ہونے والی ملاقات میں فرمایا کہ ایرانی عوام دشمنوں کو منہ توڑ جواب دیں گے۔

آپ نے فرمایا کہ امریکی حکام اسلامی انقلاب کی کامیابی کے شروع سے ملک میں اسلامی جمہوری نظام کی تبدیلی چاہتے تھے مگر وہ ایرانی قوم کو شکست نہ دے سکے اور یہ ایرانی قوم ہی ہے جو انہیں شکست دے گی۔ 

رہبرمعظم انقلاب اسلامی نے امریکیوں کی حالیہ ایران مخالف ہرزہ سرائیوں کو مسترد کرتے ہوئے فرمایا کہ امریکی حکام جان لیں کہ وہ ہرگز ایرانی قوم کے خلاف اپنے عزائم میں کامیاب نہیں ہوسکتے بلکہ ایرانی عوام اپنے دشمنوں کو منہ توڑ جواب دیں گے۔

امام خامنہ ای نے فرمایا کہ دشمنوں کی سازشوں کے باوجود وطن عزیز میں اسلامی انقلاب قائم ودائم ہے اور امریکی حکام کی ہرزہ سرائی کوئی نئی بات نہیں اور ایرانی قوم کے دشمن ملک اور عوام کے خلاف کسی بھی طرح کی غلطی کرنے کی طاقت و صلاحیت نہیں رکھتے۔

رہبرمعظم انقلاب اسلامی نے فرمایا کہ انقلاب اسلامی کا پودا جب بالکل ہی نیا اور کمزور تھا اس وقت امریکہ نے اس پودے کو اکھاڑنے کی بہت کوشش کی لیکن وہ کچھ نہیں کر سکا  اورآج انقلاب اسلامی کا یہ پودا ایک تناور درخت میں تبدیل ہوگیا ہے۔

آپ نے فرمایا کہ گزشتہ 38 سالوں سے امریکی حکام ایران میں نظام کی تبدیلی چاہتے تھے مگر وہ ہر بار اپنے عزائم میں ناکام رہے اور آئندہ بھی ناکام ہوتے رہیں گے۔

رہبرمعظم انقلاب اسلامی نے کہا کہ وائٹ ہاوس کے نئے حکام ناتجربہ کاراورغیرپیشہ ور ہیں اور یہ ناتجربہ کارحکام  اسلامی انقلاب کی کامیابی کے شروع سے ہی اسلامی انقلاب اور اسلامی نظام کو ختم کرنے کی کوشش میں تھے اور ہیں اور جو اس قسم کی خواہش رکھتے تھے وہ اپنی اس خواہش کو قبر میں لے گئے اور مستقبل میں بھی ایسا ہی ہو گا۔ 

رہبرمعظم انقلاب اسلامی حضرت آیت اللہ العظمی سید علی خامنہ ای نے شہداء کی جاں فشانیوں کی قدردانی کرتے ہوئے فرمایا کہ ایران میں امن و امان کی بہتر صورتحال سرحدی فورسزاور مدافعان حرم کی مرہون منت ہے کیونکہ اگرمدافعان حرم نہ ہوتے تو آج ہم اہلبیت علیھم السلام کے دشمنوں اور فتنہ پرست عناصر سے ایران کے شہروں میں لڑ رہے ہوتے کیونکہ وہ عراق کی سرحدوں سے ایران میں داخل ہونا چاہتے تھے لیکن ان کا راستہ روکا گیا اور انہیں تہس نہس کیا گیا اور اب ان کا عراق اور شام میں مکمل طور پر صفایا ہو رہا ہے۔


آپ کی رائے
نام:  
ایمیل:
پیغام:  500
 
. « »
قدرت گرفته از سایت ساز سحر